KISA CHA NJIWA MWENYE KIU

Njiwa, akiwa amezidiwa na kiu kupita kiasi, aliona picha ya mtungi wa maji iliyochorwa kwenye bango. 

Basi bila kuangalia kwa makini, aliruka kwa pupa kuulekea mtungi huku akipiga kelele ya shangwe, pasi kujua kuwa ule ni mchoro tu. 

Matokeo yake akajibamiza kwenye bango na kujiumiza vibaya. 

Kwa kuwa alivunjika mbawa zake kwenye mshindo ule, alidondoka chini, na kukamatwa na jamaa mmoja mwenye uchu aliyekuwako kando.

Akafanywa kitoweo.